కోవిడ్ నుంచి కోలుకున్నాక జుట్టు రాలుతోందా..
కొవిడ్ నుంచి కోలుకున్నాక కూడా కొందరిలో కొన్ని సమస్యలు కనిపిస్తున్నాయి. ముఖ్యంగా చాలా మందిలో వెంట్రుకలు ఎక్కువగా ఊడిపోతున్నాయి. అయితే పోషకాలు ఉన్న బ్యాలెన్స్‌‌డ్ డైట్ తింటే ఈ సమస్య తగ్గుతుంది అంటున్నారు సెలబ్రిటీ న్యూట్రిషనిస్ట్ పూజా మఖీజ.
రోజు ఏడు బాదం పలుకులు, రెండు వాల్నట్స్ తినాలి. బాదంలోని మెగ్నీషియం వెంట్రుకలు పెరిగేలా చేసి, జుట్టు రాలడాన్ని తగ్గిస్తుంది. అంతేకాకుండా కుదుళ్లకు పోషకాలు అంది హెయిర్ స్ట్రాంగ్గా అవుతుంది. వాల్నట్స్ లోని పొటాషియం, ఒమెగా ఫ్యాటీ ఆమ్లాలు వెంట్రుకలకు కుదుళ్ల నుంచి జుట్టు చివర్ల వరకు పోషణనిస్తాయి.
టేబుల్ స్పూన్ లెక్కన షియా, గుమ్మడి, అవిసె గింజలు సీడ్స్ డైట్లో ఉండాలి. షియా సీడ్స్లోని పాస్ఫరస్ వెంట్రుకలు పెరిగేలా చేస్తుంది. గుమ్మడి గింజల్లో పొటాషియం, జింక్ వంటి మినరల్స్ దొరుకుతాయి. అవిసె గింజల్లో ఉండే విటమిన్ ఇ చర్మం, జుట్టును ఆరోగ్యంగా ఉంచుతుంది.
పరగడపున టేబుల్స్పూన్ వర్జిన్ కోకోనట్ ఆయిల్ తాగాలి. కోకోనట్ ఆయిల్ వెంట్రుకలు దెబ్బతినకుండా కాపాడుతుంది. హెయిర్ ఒత్తుగా పెరిగేలా చేస్తుంది.
ప్రొటీన్ కోసం రోజూ గుడ్డు తినాలి. రోజుకు మూడు తెల్లసొనలు, ఒక పచ్చసొన తింటే మంచిది. తెల్లసొన మాడును శుభ్రం చేస్తుంది. విటమిన్లు, మినరల్స్తో నిండిన పచ్చసొన వెంట్రుకలకు సూపర్ఫుడ్గా పనిచేస్తుంది.
Thanks for reading Will the hair fall out after recovering from Kovid!
No comments:
Post a Comment