Flipkart, Amazon Republic Day Sale from today .. These are the best offers ..!

 నేటి నుంచే ఫ్లిప్కార్ట్ , అమెజాన్ రిపబ్లిక్ డే సేల్ .. బెస్ట్ ఆఫర్లు ఇవే .. !

ప్రముఖ ఈ కామర్స్ సంస్థలు ఫ్లిప్​కార్ట్, అమెజాన్ ఇండియా రిపబ్లిక్ డే ఉత్సవాల పేరుతో ప్రత్యేక సేల్‌ను ప్రకటించాయి. అమెజాన్ 'గ్రేట్ రిపబ్లిక్ డే సేల్' పేరుతో ఈ సేల్‌ను జనవరి 17 నుంచి 20వ తేదీ వరకు నిర్వహిస్తోంది.

అలాగే, ఫ్లిప్​కార్ట్ 'బిగ్​ సేవింగ్​ డేస్'​ పేరుతో ఈ సేల్‌ను జనవరి 17 నుంచి 22 వరకు​ నిర్వహిస్తోంది. ఈ రిపబ్లిక్​ డే సేల్‌లో భాగంగా స్మార్ట్​ ఫోన్లు, టీవీలు సహా ఇతర ఎలక్ట్రానిక్ గాడ్జెట్స్​, గృహోపకరణాలు సహా ఇతర అన్ని రకాల వస్తువులపైనా భారీ డిస్కాంట్లతో విక్రయించనున్నాయి.

ఫ్లిప్​కార్ట్​ సేల్:

ఫ్లిప్​కార్ట్ 'బిగ్​ సేవింగ్​ డేస్'​ సేల్‌ను జనవరి 17 నుంచి 22 వరకు కొనసాగనుంది. అయితే ఫ్లిప్​కార్ట్ ప్లస్​ యూజర్లకు మాత్రం ఈ ఆఫర్లు నేటి(జనవరి 16) నుంచే అందుబాటులోకి వచ్చింది. యాపిల్​, రియల్​మీ, పోకో, షియోమీ, శాంసంగ్​, ఒప్పొ, ఇన్ఫీనిక్స్​ వంటి వాటిపై 40 శాతం వరకు డిస్కౌంట్ అందిస్తుంది. గృహోపకరణాలపై 80 శాతం వరకు డిస్కౌంట్ ఇస్తున్నట్లు ఫ్లిప్​కార్ట్ తెలిపింది. అలాగే, ఐసీఐసీఐ కార్డు చెల్లింపులపై 10 శాతం డిస్కౌంట్ ఆఫర్ చేస్తోంది. ఇంకా ఎలక్ట్రానిక్, వస్త్రాలు, బ్యూటీ ఉత్పత్తులపై ఆకర్షణీయమైన తగ్గింపులను ఈ రెండు సంస్థలు అందిస్తున్నాయి.

అమెజాన్ సేల్:

అమెజాన్ 'గ్రేట్​ రిపబ్లిక్​ డే సేల్​' పేరుతో ప్రత్యేక సేల్‌ను ఈ నెల 17 నుంచి 20 వరకు నిర్వహిస్తోంది. అయితే ప్రైమ్​ యూజర్లకు మాత్రం ఒక రోజు ముందుగానే (జనవరి 16) నుంచే ఈ సేల్ అందుబాటులోకి వచ్చింది. అన్ని రకాల స్మార్ట్​ఫోన్లపై 40 శాతం వరకు డిస్కౌంట్ ప్రకటించింది అమెజాన్​. యాక్సెసరిస్​లకు ఈ డిస్కౌంట్ వర్తిస్తుందని పేర్కొంది. ఇతర గాడ్జెట్స్​, గృహోపకరణాలపై కూడా భారీ డిస్కౌంట్లు అందుబాటుల అందుబాటులో ఉంటాయని అమెజాన్​ ఇండియా పేర్కొంది. ఎస్బీఐ కార్డులతో కొనుగోలు చేసే వారికి 10 శాతం తక్షణ తగ్గింపు ఇస్తోంది. కనీసం రూ.5,000కు పైన కొనుగోళ్లకు ఈ తగ్గింపు ఆఫర్ వర్తిస్తుంది. నాన్ ఈఎంఐ చెల్లింపులపై రూ.1,250, ఈఎంఐ చెల్లింపులపై రూ.1,500 తక్షణ డిస్కౌంట్ ఇస్తోంది.

Thanks for reading Flipkart, Amazon Republic Day Sale from today .. These are the best offers ..!