Online Games: ఆన్‌లైన్‌ గేముల్లో అసలు పేర్లు వాడొద్దు
తల్లిదండ్రుల అనుమతి ఉంటేనే ఇన్‌-యాప్‌ కొనుగోళ్లు
సూచనలు జారీ చేసిన కేంద్ర విద్యాశాఖ
దిల్లీ: కొన్నిరకాల ఆన్‌లైన్‌ ఆటలు, వాటిలో చేసే కొనుగోళ్లు పిల్లలు, తల్లిదండ్రులపై తీవ్ర ప్రతికూల ప్రభావం చూపుతుండటంతో కేంద్ర ప్రభుత్వం అప్రమత్తమైంది. ఆన్‌లైన్‌ గేముల్లో కొనుగోళ్లు చేపట్టేందుకు తల్లిదండ్రుల అనుమతిని తప్పనిసరి చేసింది. సబ్‌స్క్రిప్షన్ల కోసం ఆయా యాప్‌లలో క్రెడిట్‌/డెబిట్‌ కార్డులను రిజిస్టర్‌ చేసుకోవడాన్ని నిషేధించింది. ఆన్‌లైన్‌ గేమ్‌లకు సంబంధించి తల్లిదండ్రులు, ఉపాధ్యాయులకు కేంద్ర విద్యాశాఖ తాజాగా ఈ మేరకు సూచనలు జారీ చేసింది. విరామం లేకుండా ఎక్కువసేపు ఈ ఆటలు ఆడటం వల్ల ప్రధానంగా పాఠశాల విద్యార్థులు ‘గేమింగ్‌ రుగ్మత’ బారిన పడుతున్నారని అందులో పేర్కొంది. అలాంటివారిలో మానసిక, శారీరక ఒత్తిడి పెరుగుతున్నట్లు తెలిపింది. కొన్ని గేమింగ్‌ కంపెనీలు చిన్నారుల భావోద్వేగాలతో ఆడుకుంటున్నాయని.. ఆటల్లో తదుపరి లెవల్స్‌ని కొనుగోలు చేసేలా, ఇన్‌-యాప్‌ కొనుగోళ్లు చేపట్టేలా వారిని బలవంతం చేస్తున్నాయని వివరించింది. ఈ నేపథ్యంలో ‘పిల్లల సురక్షిత ఆన్‌లైన్‌ గేమింగ్‌’ కోసం ఏం చేయాలో, ఏం చేయకూడదో స్పష్టంగా తెలియజేసింది.
ఏం చేయాలంటే..
> ధ్రువీకృతంకాని వెబ్‌సైట్‌ల నుంచి సాఫ్ట్‌వేర్‌లను డౌన్‌లోడ్‌ చేయకుండా పిల్లల్లో అవగాహన కల్పించాలి.
> వెబ్‌సైట్‌లలో వచ్చే లింక్‌లు, చిత్రాలు, పాప్‌అప్‌లపై క్లిక్‌ చేస్తే ఎదురయ్యే అనర్థాలను వారికి వివరించాలి.
> గోప్యతను కాపాడుకునేందుకు ఆటల్లో ‘స్క్రీన్‌ నేమ్‌ (అవతార్‌)’ను మాత్రమే ఉపయోగించేలా ప్రోత్సహించాలి.
> ఓటీపీ ఆధారిత చెల్లింపుల ద్వారానే కొనుగోళ్లు చేయాలి.
> లావాదేవీలకు గరిష్ఠ పరిమితి విధించాలి.
> ఆన్‌లైన్‌ గేమ్‌లు ఆడుతున్నప్పుడు ఏదైనా ఇబ్బందికర పరిస్థితి తలెత్తితే.. వెంటనే స్క్రీన్‌షాట్‌ తీసుకోవాలి. ఆటను ఆపేసి, సైబర్‌ క్రైం అధికారులకు ఫిర్యాదు చేయాలి.
> చిన్నారులు ఉపయోగించే కంటెంట్‌ను పర్యవేక్షించేందుకు వీలుగా ఇళ్లలో ఇంటర్నెట్‌ గేట్‌వేను ఇన్‌స్టాల్‌ చేసుకోవాలి.
ఏం చేయకూడదంటే..
> తల్లిదండ్రుల అనుమతి లేకుండా ఇన్‌-గేమ్‌ కొనుగోళ్లు చేపట్టకూడదు.
> సబ్‌స్క్రిప్షన్ల కోసం యాప్‌లలో క్రెడిట్‌/డెబిట్‌ కార్డుల రిజిస్ట్రేషన్‌ చేయకూడదు.
> ఆన్‌లైన్‌ గేమింగ్‌ కోసం ఉపయోగించే ల్యాప్‌టాప్‌లు, మొబైళ్ల నుంచి పిల్లలు నేరుగా కొనుగోళ్లు చేపట్టకుండా నిరోధించాలి.
> అంతర్జాలంలో గేమ్స్‌ను డౌన్‌లోడ్‌ చేసుకునేటప్పుడు, గేమింగ్‌ ప్రొఫైళ్లను తయారు చేసుకునేటప్పుడు అసలు పేర్లు, వ్యక్తిగత సమాచారాన్ని పంచుకోకూడదు.
Thanks for reading Online Games : What to do ..? What not to do?..Central Department of Education instructions for parents and teachers
No comments:
Post a Comment