Govt Scholarships: Rs 15,500 per month scholarship for girls .. Golden chance to get Rs 1.86 lakh per year

Govt Scholarships: అమ్మాయిలకు నెలకు రూ.15,500 స్కాలర్‌షిప్‌.. ఏడాదికి రూ.1.86 లక్షలు పొందే గోల్డెన్‌ ఛాన్స్‌

Scholarship Schemes: డీఆర్‌డీఓ.. బాలికల విద్యకు ఆర్థిక చేయూత అందించేందుకు స్కాలర్‌షిప్‌ ప్రకటన విడుదల చేసింది. 2022కి గాను బాలికలకు /మహిళలకు ఈ స్కాలర్‌షిప్స్‌ను అందజేయనుంది.

 DRDO Scholarship Scheme: భారత ప్రభుత్వ రక్షణ మంత్రిత్వశాఖకు చెందిన డిఫెన్స్‌ రీసెర్చ్‌ అండ్‌ డెవలప్‌మెంట్‌ ఆర్గనైజేషన్‌ (డీఆర్‌డీఓ).. బాలికల విద్యకు ఆర్థిక చేయూత అందించేందుకు స్కాలర్‌షిప్‌ ప్రకటన విడుదల చేసింది. 2022 ఏడాదికి గాను బాలికలకు /మహిళలకు ఈ స్కాలర్‌షిప్స్‌ను అందజేయనుంది.

ఈ స్కీం ద్వారా సంబంధిత సబ్జెక్టులో అండర్‌గ్రాడ్యుయేషన్‌(యూజీ), పోస్ట్‌ గ్రాడ్యుయేషన్‌(పీజీ) కోర్సులను చదివే వారికి ఉపకార వేతనాలను అందజేస్తారు. అర్హత, ఆసక్తి గల విదార్థినులు మార్చి 31వ తేదీలోగా ఆన్‌లైన్‌ ద్వారా దరఖాస్తు చేసుకోవాలి.

ముఖ్య సమాచారం:

సబ్జెక్టులు: ఎయిరోస్పేస్‌ ఇంజనీరింగ్,ఎయిరోనాటికల్‌ ఇంజనీరింగ్,స్పేస్‌ ఇంజనీరింగ్,రాకెట్రీ,ఎవియోనిక్స్,ఎయిర్‌క్రాఫ్ట్‌ ఇంజనీరింగ్‌.

మొత్తం స్కాలర్‌షిప్‌లు: 30

యూజీ స్థాయి విద్యార్థినులకు అందించే స్కాలర్‌షిప్స్‌ సంఖ్య: 20

అర్హత: సంబంధిత సబ్జెక్టుల్లో బీఈ/బీటెక్‌/బీఎస్సీ(ఇంజనీరింగ్‌) ఫస్ట్‌ ఇయర్‌లో అడ్మిషన్‌ పొంది ఉండాలి. జేఈఈ మెయిన్‌ వాలిడ్‌ స్కోర్‌ కలిగి ఉండాలి.

స్కాలర్‌షిప్‌ మొత్తం: ఏడాదికి రూ.1,20,000 చెల్లిస్తారు.

పీజీ స్థాయి విద్యార్థినులకు అందించే స్కాలర్‌షిప్‌ల సంఖ్య: 10

అర్హత: సంబంధిత సబ్జెక్టుల్లో 2021–2022 అకడమిక్‌ ఇయర్‌లో ఎంఈ/ఎంటెక్‌ /ఎమ్మెస్సీ(ఇంజనీరింగ్‌) ఫస్ట్‌ ఇయర్‌ అడ్మిషన్‌ పొంది ఉండాలి. వాలిడ్‌ గేట్‌ స్కోర్‌ ఉండాలి.

స్కాలర్‌షిప్‌ మొత్తం: నెలకు రూ.15,500 చొప్పున ఏడాదికి రూ.1,86,600 అందిస్తారు.

ఎంపిక విధానం

యూజీ అభ్యర్థులకు జేఈఈ మెయిన్‌ స్కోర్‌ ఆధారంగా, పీజీ అభ్యర్థులకు గేట్‌ మెరిట్‌ స్కోర్‌ ఆధారంగా ఎంపిక ప్రక్రియ నిర్వహిస్తారు.

కావాల్సిన సర్టిఫికేట్స్‌: తాజా పాస్‌పోర్ట్‌సైజ్‌ ఫోటో, ఆధార్‌కార్డ్, ఫ్రూఫ్‌ ఆఫ్‌ అడ్మిషన్, ఫీజు వివరాలు, సంబంధిత ఇన్‌స్టిట్యూట్‌ నుంచి సర్టిఫికేట్, దరఖాస్తు ప్రింట్‌అవుట్‌ అవసరం ఉంటాయి.

దరఖాస్తు విధానం: ఆన్‌లైన్‌ ద్వారా దరఖాస్తు చేసుకోవాలి.

దరఖాస్తులకు చివరి తేదీ: మార్చి 31, 2022

పూర్తి వివరాలకు వెబ్‌సైట్‌: https://rac.gov.in/

Thanks for reading Govt Scholarships: Rs 15,500 per month scholarship for girls .. Golden chance to get Rs 1.86 lakh per year