WhatsApp: screen sharing on WhatsApp.. how to use it..

 WhatsApp: వాట్సాప్‌లో స్క్రీన్‌ షేరింగ్‌.. ఎలా వాడాలంటే..

WhatsApp screen sharing: వాట్సాప్‌ కొత్తగా తీసుకొచ్చిన స్క్రీన్‌ షేరింగ్‌ ఎలా వినియోగించాలో తెలుసుకోండి.

 సాధారణంగా వీడియో కాల్స్‌ మాట్లాడుతున్నప్పుడు స్క్రీన్ షేరింగ్‌ ఆప్షన్‌ వినియోగించాలంటే కచ్చితంగా జూమ్‌ (ZOOM), గూగుల్‌ మీట్‌ (Google meet) ఇలా ఇతర అప్లికేషన్లపై ఆధారపడాల్సి వస్తుంది. ఇకపై ఇలా ఇతర యాప్‌లపై ఆధారపడకుండా మనం నిత్యం వినియోగించే వాట్సాప్‌ (WhatsApp)తో స్క్రీన్‌ షేర్‌ చేసే వెసులుబాటు వచ్చేసింది. వాట్సాప్‌ వీడియో కాల్‌ సమయంలో స్క్రీన్‌ షేర్‌ చేసుకొనే సౌలభ్యాన్ని తీసుకొచ్చినట్లు మెటా (Meta) సీఈఓ మార్క్‌ జుకర్‌బర్గ్‌ (Mark Zuckerberg) ఫేస్‌బుక్‌ ద్వారా తెలిపారు. అయితే ఈ ఫీచర్‌ని ఎలా వినియోగించాలి. స్కీన్‌ షేరింగ్‌తో పాటూ వాట్సాప్‌ తీసుకొచ్చిన మరో ఫీచర్లపై ఓ లుక్కేద్దాం.

వాట్సాప్‌ వీడియో కాల్ వినియోగిస్తున్నప్పుడే ఈ స్క్రీన్‌పై షేర్‌ ఆప్షన్‌ కనిపిస్తుంది. దాన్ని ట్యాప్ చేయటం ద్వారా ఈ ఫీచర్‌ని ఉపయోగించవచ్చు. ఈ ఆప్షన్‌ సాయంతో మీకు నచ్చిన వాళ్లకు మీ స్క్రీన్‌ షేర్‌ చేయవచ్చు. అయితే స్క్రీన్‌ షేరింగ్‌ సమయంలో అన్ని యాప్‌లు వినియోగించటానికి అనుమతి ఉండదు. భద్రత రీత్యా కొన్ని అప్లికేషన్లను మాత్రమే షేర్ చేయొచ్చు. మొబైల్‌లో ఏదైనా ఫీచర్‌ని ఎలా వినియోగించాలో తెలియజేయాలనుకున్నప్పుడో.. ఏదైనా డాక్యుమెంట్ వర్క్‌ గురించో చర్చించాలనుకున్నప్పుడు ఈ ఫీచర్‌ ఉపయోగపడుతుంది.

వాట్సాప్‌ వీడియో కాల్స్‌లో స్క్రీన్‌ షేరింగ్‌తో పాటూ మరో ఫీచర్‌ను తీసుకొచ్చింది. అదే ల్యాండ్‌స్కేప్‌ మోడ్‌. సాధారణంగా వీడియో కాల్‌ మాట్లాడుతున్న సమయంలో పోట్రెట్‌ మోడ్‌ మాత్రమే ఉండేది. ఇప్పడు ఈ ఫీచర్‌తో వెడల్పుగా చిత్రాన్ని తిలకించొచ్చు. ప్రస్తుతం వాట్సాప్‌ బీటా యూజర్లకు మాత్రమే ఈ ఫీచర్‌ అందుబాటులోకి వచ్చింది. త్వరలోనే ఆండ్రాయిడ్‌, ఐఫోన్‌ యూజర్లు కూడా అందుబాటులోకి రానుందని వాట్సాప్‌ తెలిపింది.

Thanks for reading WhatsApp: screen sharing on WhatsApp.. how to use it..